რჩევები დეკემბრის ბაღის მოსავლელად

წელიწადის ამ დროს მნიშვნელოვანია ბაღის სწორი მოვლა.

ნერგების მოვლა: ბევრისთვის კარგად მოვლილი ნერგები ნიშნავს მათ კარგ გაფხვიერებას, რა პროცესიც სწორედ შემოდგომის ბოლოს - ზამთრის დასაწყისშ მიმდინარეობს. თუმცა ზოგიერთი მცენარის შემთხვევაში, მაგალითად, ბრტყელი ფესვების მქონე მცენარეებისთვის, ფრთხილად უნდა ვიყოთ მექანიკური კულტივაციის დროს, ვინაიდან ამან შეიძლება დააზიანოს მათი ფესვები. უკეთესი გამოსავალია, რომ ჩამოცვენილი ფოთლები დავტოვოთ ნიადაგზე, ამით თქვენ თავიდან აიცილებთ ფოთლების უმეტესობის გაფრენას და საშუალებას მისცემთ მათ რომ სწრაფად დაიშალონ ბუჩქების ქვეშ, ამასთან ერთად დამუშავდება ნიადაგი და სწორედ ისინი დაიცავენ ფესვებს გაყინვისგან.

სანიაღვრე წყლის მილების მოვლა: მილები, რომლებიც მიდრეკილია გაყინვისკენ დაუყოვნებლივ უნდა დაიცალონ წყლისგან, რომ მასში არ გაიყინოს წყალი და არ გაფუჭდეს. ამისთვის უნდა გახსნათ ონკანები და დაკეტოთ სარქველები მილის შიგნით, რისი მეშვეობითაც მილი აივსება ჰაერით. თუმცა თუ თქვენ იყენებთ ავტომატურ საირიგაციო სისტემას, მაშინ უნდა გახსნათ ყველა გამოსაშვები სარქველი და შეაერთოთ კომპრესორი მთავარ მილში. წარმოებული ჰაერი კი გამოდევნის წყალს მილებიდან. როგორც კი მილები დაცარიელდება ისევ დახურეთ სარქველები.

ზამთრისთვის მოტორიზებული მოწყობილობების მომზადება: სათიბები, თოკები, ბაღის თოხები, გაზონის აერატორები და სხვა მოწყობილობები, რომლებიც აღარ გამოიყენება, კარგად უნდა გაიწმინდოს. მას შემდეგ, რაც მოწყობილობა სუფთა და მშრალი იქნება, წაუსვით მანქანის ზეთის თხელი ფენა, ლითონის ნაწილებზე, რათა თავიდან აიცილოთ დაჟანგვა. თუ მოწყობილობას აქვს შიდა წვის ძრავა, დააცარიელეთ ავზები და მჭიდროდ დახურეთ ისინი ისე, რომ ტენიანობა არ შევიდეს. გაცილებით გაგიადვილდებათ, თუ სანაცვლოდ იყიდით ბატარეით მომუშავე ინსტრუმენტებს.

სახურავის ღარების გაწმენდა: წელიწადის ამ დროს სახურავის ღარებში შეიძლება დაგროვდეს ფოთლები, რაც დროთა განმავლობაში გამოიწვევს ბლოკირებას. წვიმის წყალი შემდეგ ჩამოვა სახურავის ფილებიდან და დაასველებს სახლის ნაწილებს, რომლებიც მშრალი უნდა ყოფილიყო. საუკეთესო გამოსავალია, რომ ღარები გაასუფთაოთ ნოემბერში, როდესაც უკვე პირველი ყინვა მოვა და ხეები შიშველი იქნება. თქვენ შეგიძლიათ მოათავსოთ დამცავი ბადე, რომ თავიდან აიცილოთ ღარის ხელახლა დაბლოკვა.

გარე განათების შემოწმება: გრძელი ღამეების დაწყებისთანავე გარე განათების მოხმარება იზრდება. ახლა კარგი დროა შეამოწმოთ ყველა გარე განათება. თუ თქვენ კვლავ იყენებთ ტრადიციულ ნათურებს, ღირს ფიქრი მათი LED ნათურებით ჩანაცვლებაზე.

გაზონის კიდეების გაკრეჭვა: გაზრდილმა გაზონის კიდეებმა, შეიძლება საფრთხე შეუქმნან სავალ ნაწილსა და ასევე, ნერგებს, ამიტომ წელიწადის ამ დროს აუცილებელია კიდეების გაკრეჭვა.

შეშის მარაგის შევსება: ნებისმიერს, ვისაც აქვს ბუხარი ან შეშის ღუმელი, იცის, რამდენად თბილად და მყუდროდ შეიძლება მან გაგრძნობინოთ თავი. დარწმუნდით, რომ არ მოგიწევთ სიბნელეში, სველ და ცივ ბაღში სიარული, შეშის ასაღებად,  დაახლოებით ერთი თვის მარაგი შეინახეთ სახლთან ახლოს, ისეთ ადგილას, რომელიც თქვენთვის იოლად მისაწვდომია. გამოიყენეთ ბაღის ნაჯახი შეშის პატარა ნაწილებად დასაჭრელად,  შეინახეთ ისინი ყუთებში და მშრალ მდგომარეობაში.